ഡോ. അംബേദ്കര്‍ സമ്പൂര്‍ണകൃതികള്‍ വാല്യം 13

ഡോ. അംബേദ്കറുടെ സമ്പൂര്‍ണകൃതികള്‍ വിവര്‍ത്തനം ചെയ്തു പ്രസിദ്ധീകരിക്കുന്ന വിപുലമായ പദ്ധതിയുടെ ഭാഗമായാണ്‌ മലയാള വിവര്‍ത്തനം പ്രസിദ്ധീകരിക്കുന്നത്‌. കേന്ദ്രതലത്തിൽ ഇതിന്റെ ചുമതല ഡല്‍ഫിയിലെ അംബേദ്കര്‍ ഫാണ്ടേഷനാണ്‌. അംബേദ്കര്‍ ഫണ്ടേഷനുവേണ്ടി മലയാള പരിഭാഷ പ്രസിദ്ധീകരിക്കുന്നതിനുള്ള ചുമതല കേരള ഭാഷാ ഇന്‍സ്റ്റിറ്റൂട്ടാണ്‌ നിര്‍വഹിക്കുന്നത്‌. മഹാരാഷ്ട്ര ഗവൺമെന്‍റ്‌ പ്രസിദ്ധീകരിച്ച ഇംഗ്ലീഷിലുള്ള വാല്യങ്ങളാണ്‌ പരിഭാഷയ്ക്ക്‌ സ്വീകരിച്ചിട്ടുള്ളത്‌. വലിയ ഇംഗ്ലീഷ്‌ വാല്യങ്ങള്‍ മലയാളത്തില്‍ രണ്ടോ മൂന്നോ വാല്യങ്ങളായിട്ടാണ്‌ പ്രസിദ്ധീകരിക്കുന്നത്‌;
ഇംഗ്ലീഷ് പതിപ്പിന്റെ ഏഴാം വാല്യത്തിലെ ഒന്നാം പുസ്തകത്തിന്റെ മലയാള പരിഭാഷയാണ്  'ആരാണു ശൂദ്രർ' എന്ന പതിമ്മൂന്നാം വാല്യം. ശ്രീ. ഇഗ്നേഷ്യസ് കാക്കനാടനാണു വിവർത്തകൻ, സംശോധകൻ ശ്രീ. കെ. സി പുരുഷോത്തമനും.
മഹാഭാരത്തിലെ ശൂദ്രരാജാവായ പൈജവനനെ മുൻനിർത്തി ശൂദ്രരുടെ ഉൽപ്പത്തിയെയും പതനത്തെയും കുറിച്ച് നടത്തുന്ന അത്യന്തം മൗലികവും ഉദ്വോഗപൂർണവുമായ അന്വേഷണ പഠനം.